Landare usaintsuak oso moldakorrak dira: apaingarri gisa, aromatizatzeko, izurriteak uxatzeko eta plater askori zaporea emateko erabil ditzakegu.
Ez dute leku askorik hartzen eta erraz zaintzen dira; beraz, oso egokiak dira baratzean, loreontzian edo sukaldean tartetxo bat egin eta janaria prestatzerakoan eskura izateko.
Pizzen, entsaladen eta pasten bizigarri gisa erabiltzeaz gain, olioa, gisatuak eta focacciak aromatizatzeko ere aproposak dira, eta infusio natural bikainak ere egin ditzakegu. Moztu eta ur berotan bota; ezin freskoago! Hemen duzu ideiaren bat: hierbaluisa infusio oso freskagarria, ezkai, limoi eta ezti infusioa eztarria leuntzeko, menda infusioa, etab.
Udazkena oso garai ona da usaintsuak landatzeko, garai honetan sustraiak botatzen baitituzte udaberrian indar handiz ernatzeko.
Karabelekon erromeroa, menda, hierbaluisa, labanda, ezkaia eta oreganoa aurkituko dituzu, eta horiek gozatzeko sorta bereziak prestatu ditugu:
• Infusio sorta: hierbabuena, hierbaluisa, ezkaia eta labanda, landare aromatikoak zaintzeko azalpenarekin batera.
• Pack klasikoak: ezkaia, labanda, erromeroa, oreganoa, landare aromatikoak zaintzeko azalpenarekin batera.
Hernaniko ekodendan edo app-aren bidez eros ditzakezu. Gainera, azaroaren 5ean (9etatik 20etara) eta 6an (9etatik 15etara) Donostiako Boulevardeko karpan egongo garenez, bertan ere eskuratu ahal izango dituzu. Horrez gain, hilaren 9, 10, 11, 12, 13an ere salgai jarriko ditugu online, dssmarketplaza.eus webgunean.
Gehitu iruzkin berria